Rastet ku këngëtarët shqiptarë kanë rënë në gracka, nuk janë të pakta. Veçse nuk janë mjaftuar me profesionin e tyre, që duhet thënë se eshte i mirëpaguar, ato e kanë pësuar keq edhe duke u dënuar.
Çfarë ndodhi sot:
Një operacion i quajtur “Sottobosco” është finalizuar mëngjesin e sotëm në shtetin italian ku kanë rënë në pranga një grup i madh personash të përfshirë në tregun ndërkombëtar të drogës, dhe të kokainës.
Hetimet e njëpasnjëshme zbuluan se nuk bëhej fjalë vetëm për një shpërndarje “të rëndomtë” droge, por për një rrjet të tërë kokaine, ku pjesa kryesore drejtohej nga shqiptarët dhe marokenët.
Dëfrim Dervishi, është këngëtari shqiptar i njohur me emrin e artit si Defri. Ai jetonte prej vitesh në shtetin italian, ku edhe ushtronte aktivitetin. Gjithashtu ishte një nga”kokat” e bandës.
Valbona Xeka, 41 vjeçarja që u kap me kanabis në çantë:
Policia kufitare e Qafë Thanës arrestoi një 41-vjeçare të cilës iu gjet një sasi e vogël kanabisi në çantë. Policia njoftoi zyrtarisht se është arrestuar Valbona Xeka, 41 vjeç, banuese në fshatin Kameras të Fushë Krujës dhe që njihet si këngëtare.
Sipas policisë arrestimi i saj u bë pasi në dalje vendit gjatë kontrollit të ushtruar nga punonjësit e policisë të automjetit të saj tip “Mercedez-Benz”, me targë AA181ET, në një çantë personale, iu gjet e bllokua 12 gram lëndë e dyshuar narkotike Cannabis Sattiva.
Liljana Kondakçi arrestohet me tre kilogram kokainë çantë:
Gjithcka ka filluar në maj të vitit 2006 kur sic bënë të ditur mediat italiane Kondakci u arrestua në stacionin e trenit Sibari në Cosentino, me tre kilogram kokainë në cantë. Asaj kohe ajo kishte deklaruar se pakoja me drogë ishte një dhuratë nga një fans dhe ajo nuk ishte në dijeni për përmbajtjen e saj.
Prokuroria e Castrovillari kërkoi dënimin me 2 vjet e 8 muaj burg për artisten dhe pritësin e mallit, i cili rezultoi se ishte një shqiptar.
Në tetor të vitit 2008 vjen vendimi i ri i gjykatës: urdhëri për arrestimin e këngëtares nën akuzën e trafikut ndërkombëtar të narkotikëve, urdhër i cili mbeti i pazbatuar për shkak se Kondakci ishte larguar nga Italia.
Vetë këngëtarja lirike e viteve ’80 Liliana Kondakci u shfajësua disa herë publikisht për dyshimet se ajo është pjesë e një bande trafiku të drogës.
Stresi dhe arrestimet e tij të “njëpasnjëshme”:
Ndryshe Arkimed Lushaj, njihet si një nga VIP-at më problematikë. Është arrestuar shpeshherë për përdorim vetjak të lëndëve narkotike, por edhe në raste të tilla ka bërë të mundur arratisjen, siç ishte ajo spektakolarja nga komisariati numër 2, në vitin 2016.
Ai është shpesh “objekt” në vëzhgim, por duket se gjithmonë ia del të shpëtojë dhe të bëj një “selfie” me policët.
Përgatiti: AlpeNews.al
