Në prag të samitit të NATO që do të zhvillohet në datat, 11 dhe 12 korrik SHBA ka nisur të bëjë presion mbi Britaninë e Madhe mbi investimet ne forcat ushtarake të përbashkëta.
SHBA lë të kuptohet se Franca mund të bëhet aleatja e saj më e afërt ushtarake nëse Britania nuk investon më shumë në forcat ushtarake.
Sekretari i Mbrojtjes Jim Mattis tha se Mbretëria e Bashkuar nuk mund të vazhdojë të jetë një “aktor global” nëse nuk rrit financimin.
Ai e kundërshtoi ngurrimin e Theresa May për të investuar në fuqinë ushtarake dhe përgëzoi qëndrimin e marrë nga Franca nën Emmanuel Macron.
Për “ The Sun”, Gjenerali Mattis i tha se Uashingtoni është i shqetësuar se forcat e Britanisë së Madhe dhe ndikimi diplomatik janë “në rrezik të erozioni”.
Ai tha se donte që Britania të mbetet partneri i preferuar i Amerikës, por shtoi se francezët ishin të angazhuar të ishin “aktorë globalë” së bashku me SHBA.
Donald Trump pritet të ushtrojë presion mbi anëtarët e NATO-s për të shpenzuar më shumë në atë që mund të jetë një samiti më i zhurmshëm javën e ardhshme.
Ai do udhëtojë për në Evropë javën e ardhshme për një mbledhje të NATO-s që pritet të jetë e stuhishme në 11-12 korrik, përpara se të shkoë në një vizitë në Britani të Madhe.
Në letrën me dy faqe, Genarali Gen Mattis tha se kredibiliteti i forcave të armatosura të Mbretërisë së Bashkuar ka qenë vendimtar në sigurimin e vendit të tij në arenën ndërkombëtare
Por ai shtoi: “Unë jam i shqetësuar se aftësia juaj për të vazhduar të ofrojë këtë bazë ushtarake për suksesin diplomatik është në rrezik të erozionit, ndërsa së bashku ne përballemi me një botë të mbushur me ndryshime”.
Britania e Madhe është e angazhuar për përmbushjen e synimit të NATO-s për të shpenzuar 2% të PBB(prodhimi i bëndshëm bruto) në mbrojtje, por SHBA-të kanë lënë të kuptohet se dhe ai investim nuk është i mjaftueshëm.
Gjenerali Mattis tha se një komb global si Britania e Madhe, me interesa dhe angazhime në mbarë botën, do të kërkojë një nivel shpenzimesh mbrojtëse përtej asaj që ne do të presim nga aleatët me vetëm interesat rajonale.
“Mungesa e një krahu të fuqishëm ushtarak, paqja dhe stabiliteti në botë do të ishte në rrezik të mëtejshëm”.
Duke theksuar premtimin e fundit të Z. Macron për të investuar një shtesë prej 260 miliardë dollarësh në mbrojtje deri më 2025, Gen Mattis tha: “Si aktorë globalë, Franca dhe SHBA kanë arritur në përfundimin se tani është koha për të rritur ndjeshëm investimin në mbrojtje.
