Pas zgjedhjeve të së djelës , 01/07/2018, i majti, Andres Manuel Lopez Obrador fitoi presidencialet meksikane.
Lopez Obrador, i njohur më së shumti me inicialet “AMLO”, do të jetë kandidati i parë i koalicionit politik të majtë “Së bashku bëjmë historinë” për të mbajtur presidencën meksikane pas zgjedhjeve.
Exit-pollet e para tregojnë se “AMLO” fitoi nga 53 deri në 53,8 përqind, një fitore që rrallëherë ndodh në Meksikë.
Presidenti i SHBA Donald Trump uroi Lopez Obradorin në “Twitter” të djelën : Urime për Andres Manuel Lopez Obrador presidentin e ri të Meksikës. Unë shoh shumë mundësi përpara, për të punuar me të. Ka shumë për të bërë dhe nga ajo që do ndërtojmë do të përfitojnë si Shtetet e Bashkuara dhe Meksika!
Lopez Obrador, 64 vjeç, ka kundërshtuar ashpër politikat e emigracionit të Trump, duke thënë se është “një e drejtë njerëzore” për njerëzit në mbarë botën të kërkojnë të shkojnë në Amerikë.
