Gjendet pas dy javësh i vdekur një shtetas me banim në fshatin Dragostunjë të Librazhdit. Ai është Osman Gurra 66 vjeç.
Sipas komisariatit të policisë Librazhd ai u gjet i vdekur në një kanal me ujë të këtij fshati. Ai ishte larguar nga banesa më 15 qershor rreth orës 09.45 dhe nuk është kthyer më. Me gjithë kërkimet e familjarëve nuk u bë e mundur gjetja ndaj u njoftua policia.
Nga ekzaminimi mjeko-ligjor rezulton se në trupin e tij nuk janë konstatuar shenja të dhunës çfarë presupozon sipas ekspertëve se vdekja ka qenë aksidentale.
Megjithatë materialet i kanë kaluar Prokurorisë Elbasan për hetime të mëtejshme.
