Sekuestrimi i 3.4 milionë eurove pasditen e së dielës mund të konsiderohet si një nga ngjarjet më të bujshmë të vitit.
Jo vetëm për nga sasia e parave, por edhe prej “anëtarëve” të çuditshëm të bandës. Sot katër të arrestuarit u lanë në burg nga Gjykata e Durrësit, edhe pse dëshmuan rreth ngjarjes dhe roleve të tyre.
Por përveç atyre që deklaruan formalisht, njëri prej tyre, Klevi Cani, ndoshta edhe për shkak të moshës duket se ka treguar më shumë informacione nga ç’duhet, vetëm prej pakujdesisë në rrjetet sociale.
Roli i Klevisit:
Klevis Lika, i biri i Edi Canit shoqëronte shoferin Çekaj në rrugët jashtë vendit, dhe në të njëjtën kohë transportone makinat. Këtë e kuptojmë edhe nga fotot e 20 vjeçarit në rrjetet sociale.
Veç fotove me makina luksoze, që dëshmojnë edhe njëherë rrugët që bënte jashtë vendit duke transferuar ngarkesat e parave, fotot e helikopterave, ai është tradhëtuar edhe nga komentet.
Një mik i tij, i shkruan të nxjerrë ato “shumë” eurot që ka në bankë. Ndonëse Klevisi e ka lënë pa përgjigje, një koment i tillë nuk mund të jetë rastësi.
/AlpeNews.al
