Është arrestuar sot në Trento, Itali 44 vjeçari shqiptar me iniciale A.M.
Në 2016, 44 vjeçari ishte ndaluar në një operacion antidrogë në autostradën e Vipiteno ndërsa udhëtonte me një tjetër shqiptar, inicialet e të cilit nuk bëhen të ditura.
Në makine u gjetën 93 kilogram kokainë me vlerë 20 milion euro në treg .
Në atë kohë shtetasi me iniciale A.M u la i lirë , duke u justifikuar si pasagjer i rastit ndërsa shqiptari tjetër, shoferi i makinës u arrestua. Guardia di Finanza vazhdoi hetimet, duke u dhënë hetuesve prova shtesë, të cilat lejuan prokurorët të kundërshtonin gjykatën pas dhënies së lirimit.
Mediat italiane raportojnë se sot gjykata e Bolzanos ka lëshuar një urdhër të ri për arrestimin e 44 vjeçarit shqiptar.
Mësohet se arrestimi është kryer nga policia e Trentos.
