Mbrëmjen e së dielës është ndarë nga jeta në mënyrë të parakohshme kompozitori i njohur Aleksandër Lalo.
Gjatë ditës së sotme në ambientet e RTSH-së janë mbajtur homazhe për nder të tij. Një mesazh ngushëllimi për humbjen e tij k ardhur edhe nga kreu i Opozitës, Lulzim Basha, i cili gjithashtu ishte i pranishëm në homazhe. “Një lamtumirë e parakohshme për Mjeshtrin e tingujve Aleksander Lalo.
Arti humbi kompozitorin që krijoi çdo tingull me dëshirë dhe pasion.
Artistët humbën avokatin kurajoz të të drejtave të tyre.
Ne humbëm mjeshtrin virtuoz me muzikën e të cilit u rritën dhe u dashuruan brezat për disa dekada.
Lamtumirë Maestro! “Tingujt e harresës” nuk do të luhen kurrë për ty!,”-përfundon Basha në rrjete sociale. Aleksandër Lalo ndërroi jetë në moshën 68-vjeçare si pasojë e një ataku kardiak.
