Zbardhen komunikimet në WhatsApp mes biznesmenit Lefter Sota dhe njërit prej aksionarëve të KURUM, Korai Kurum për porositjen e hekurit. Në datë 21 shtator, biznesmeni Lefter Sota i shkruan Korai Kurum, ndërsa në datë 24 tetor ky i fundit i dërgon numrin e telefonit të Jusuf Kurum.
Më pas në 29 tetor, Lefter Sota pyet të birin, Oresin se ku ndodhet dhe se duhet t’i shkonte në zyrë. Në një tjetër komunikim, ai i jep djalit të tij numrin e telefonit të Jusuf Kurum që mori nga Korai dhe i kërkon që të shkojë te Kurum.
Biseda e fundit mes biznesmenit Sota dhe djalit të tij është në datë 29 tetor, kur ky i fundit e njofton se është kapur nga policia. Avokati Fatmir Braka deklaroi sot se këto biseda janë prova, që shuma prej 863 mijë euro ka qenë për Kurum për hekur.
Bisedat në WhatsApp
Datë 21 shtator
Lefter Sota: Korai mirëmëngjes. Më tel apo ike me pushime? Duhet të flasim pak. Korai të desha pak
Korai Kurum i ka dërguar një materiale me file. (Elektrod Standardi)
Lefter Sota: Ok
Datë 24 Tetor
Lefter Sota: Jam te çokollata
Korai Kurum i dërgon një numër telefoni (Jusuf Kurum)
Data 29 tetor
Lefter Sota: Ba si je ku je po vjen?
Orest Sota: Po, ku je ti në zyrë
Lefter Sota: Po Shko në Metarlugji (I dërgon numrin e telefonit të Jusufit që mori nga Korai)
Orest Sota: Ok
Lefter Sota: Ba…
Orest Sota: Më ka kap policia
