Shërbimi për Çështjet e Brendshme dhe Ankesat ka vendosur ë pranga ditën e sotme një punonjës policie për “SHpërdorim detyre” dhe “ Korrupsion”.
Bëhet fjalë për punonjësin e policisë IDAJET SINA, me detyrë Ndihmës Specialist për Policimin në Komunitet në Stacionin e Policisë, Belsh, në Komisariatin e Policisë Cërrik.
Arrestimi i tij u bë pasi dyshohet se ka favorizuar banorë të zonës që ai mbulon në cilësinë e Ndihmës Specialistit për Policimin në Komunitetit të kryejnë ndërtime të paligjshme. Për punonjësin e policisë Gjykata e Rrethit Gjyqësor Elbasan caktoi masën e sigurisë “Arrest me burg”.
Në kuadër të hetimit u morën të pandehur edhe S.K, D.K, Th.Ç dhe Z.K., banorë të Njësisë Administrative Seferan e Belshit, zonë e cila mbulohej nga Inspektori Sina. Të katërt personat akuzohen për “Ndërtim i paligjshëm”. Hetimet vijojnë për identifikimin e personave të tjerë të përfshirë në këtë çështje.
AlpeNews.al
