Janë bërë 24 orë pas bërjes publike të lajmit për kapjen e “Toyotav-e” më 3.4 miliona Euro, ngjarja që tronditi vendin ditën e djeshme.
Çfarë ndodhi:
Realisht një ‘Toyota Yaris’ e nisur nga Belgjika me 5 mln euro brenda është sekuestruar vetëm sot kur anija “Adria”, nisur mbrëmë nga Ankona është ankoruar në portin e Durrësit. Forca të shumta policie të ardhura nga Tirana ishin në gatishmëri për të identifikuar mjetin, që ishte i ngarkuar në një kamion që transportonte në total edhe 8 makina të tjera (7 Toyota, 1 Opel dhe 1 Alfa Romeo). Por informacionet e ardhura nga Interpol ishin tepër të sakta dhe brenda Toyota Yaris janë gjetur paratë e fshehura.
Sot, në një njoftim për mediat, policia thotë se ka vënë në pranga 4 persona, e 2 të tjerë janë shpallur në kërkim dy të tjerë.
Të arrestuarit: Edi Cani, Klevi Cani, Alban Mollaymeri, Agim Ceka.
Të shpallur në kërkim: Alfred Vladi, Elvis Vladi.
Si funskiononte grupi dhe lidhja e tyre me njëri tjetrin:
Edi Cani (shoferi i kamionit)
Edi Lika (Cani), është pronari i kompanisë së transportit të automjeteve, si dhe shoferi i kamionit nga ku po transferohej shuma e çmendur e parave.
Klevi Cani, djali i Edi Canit
Bashkë me të atin, (Edin) është shoqëruar edhe i biri i tij Klevis Cani 20 vjeç, prej nga të cilit mbante edhe emrin firma “Klevi888” dhe tabela që shohim në xhamin e kamionit. Klevi mësohet se e shoqëronte dhe ndonjëherë ndërrohej me të atin në biznesin e tyre.
Jeta luksoze e Klevit:
Alban Mollaymeri (Porositësi i makinave)
Mollaymeri rezulton porositësi i makinave të ngarkuara me para që u sekuestruan në Durrës ditën e djeshme.
Ndryshe nga sa u pretendua dje se makinat ishin porositur nga një biznesmen kosovar, rezulton se ato janë të porositura nga Alban Mollaymeri, pronari i një servisi makinash modest në zonën e bregut të lumit në Tiranë. Gjithashtu mësohet se origjina e makinave ka qenë Gjermania dhe jo Belgjika.
Dy të shpallurit në kërkim, janë kushërinj dhe rezultojnë të dënuar më parë:
Kush janë Elvis dhe Alfred Vladi (“Pronarët e “Toyota-ve”)
AlpeNews.al mëson se Elvis Vladi në 2015 është kapur nga policia britanike me 16 kg kokainë, e më pas është shpallur “i pafajshëm” pasi nuk kishte mjaftueshëm akuza për të. E megjithatë Vladi duket se në atë kohë ka qënë i përfshirë në organizata kriminale.
Elvis Vladi
Pjesë nga artikulli në 2015
Tjetri është Alfred Vladi, që sipas burimeve të AlpeNews.al, është edhe miku i Edi Canit (shoferit të kamionit), dhe Alban Mollaymerit (Porositësit të automjeteve).
Ai gjithashtu rezulton i përfshirë në organizata kriminale.
Biznesi i tyre “Tirana Rental Car” , zbulohen “Toyotat” para se të shiteshin:
Fotot:
Të sekuestruarat:
Përgatiti: AlpeNews.al
