Ka përfunduar raundi i dytë i zgjedhjeve për kryetarë komunash në Kosovë. Gara u zhvillua në 19 komuna nga 38 të tilla, pasi nuk rezultoi një fitues nga raundi i parë i cili u mbajt më 22 tetor. Vendvotimet në 19 komuna janë hapur në ora 07:00, ku të drejt vote kishin 1.353.613 persona.
Numri i përgjithshëm i vëzhguesve që monitorojnë raundin e dytë të zgjedhjeve është më shumë se 12 mijë. Monitoruesit janë përfaqësues nga subjektet politike, ambasadat e akredituara në Kosovë, organizata joqeveritare, si dhe monitorues nga Bashkimi Evropian.
Në raundin e dytë të zgjedhjeve, Lidhja Demokratike e Kosovës (LDK), garoj në 12 komuna
Partia Demokratike e Kosovës(PDK) në 9
Lëvizja Vetëvendosje (LVV) në 6 komuna, Aleanca për Ardhmërinë e Kosovës (AAK) në 5 komuna
Aleanca Kosova e Re (AKR) dhe Nisma për Kosovën dhe Alternativa nga një komunë.
Sipas Exit-polleve Shpend Ahmeti fiton Prishtinën.
Komisioni Qendror i Zgjedhjeve ka bërë të ditur se pjesëmarrja në zgjedhje, ishte 31.1 për qind. Policia e Kosovës është shprehur se procesi është zhvilluar qetësisht.
