Një ndeshje e paharrueshme për Shaqirin por edhe për të gjithë shqiptarët ajo kundër Serbisë mbrëmjen e së premtes. Zvicra arriti të përmbysë rezultatin kundër Serbisë duke fituar me dy gola të shqiptarëve, Xhakës dhe Shaqirit.
Xherdan Shaqiri ishte njeriu më i komentuar për një javë në mediat e Serbisë.
Madje, mediat serb kishin filluar një luftë speciale kundër yllit shqiptar.
Dhe, ai u përgjigj në mënyrën më të mirë, me gol, dhe atë në minutën e 92-të të takimit pasi si shqiponjë fluturoi në fushë duke qenë i pandalshëm.
Ishte goli i rikthimit, ishte goli i fitores dhe goli që fundosi shpresat e serbëve që kanë një mision të pamundur – fitore ndaj Brazilit, kombëtares me më shumë tituj botërorë plot pesë kupa bote.
Është këpuca e cila shkeli ëndrrën e Serbisë.
Do të mbahet mend gjatë kjo ndeshje dhe emocionet që përcolli tek të gjithë shqiptarët në të gjithë botën nuk do të harrohen lehtë.
