Gjykata e Durrësit ka shpallur moskopetëncë për çështjën e Hajri Nezirit, 25 vjeçarit që plagosi me thikë pas një konflikti të çastit dy prindërit e tij Destan dhe Asie Neziri.
Në caktimin e masës së sigurisë e zhvilluar me dyer të mbyllura, gjykata ka lënë në burg 25 vjeçarin, ndërsa çështjen ia ka kaluar Krimeve të Rënda Tiranë, duke shpallur njëkohësisht edhe moskopetencën e vijueshmërisë së gjykimit për çështjen në fjalë.
Arresti më burg është dhënë si masa paraprake, pasi sipas gjykatës së Durrësit, masa do të rikonfirmohet nga Krimet e Renda.
Ngjarja e rëndë u regjistrua rreth orës 14:45 të datës 20 qershor 2018, në banesën e familjes në Neziri, në lagjen 17 të qytetit bregdetar.
Destan dhe Hasie Neziri, 75 dhe 64 vjeç, kanë marrë plagë në pjesë të ndryshme të trupit, ndërsa këto njolla gjaku në rrugë janë dëshmia e një sulmi të dhunshëm.
Burrë e grua u dërguan nga fqinjët në spital, në gjendje kritike për jetën.
75 vjeçari ka marrë një plagë të rënda në kokë, ndërsa gruaja e tij 6 goditje në disa pjesë të trupit.
Ata i janë nënshtruar ndërhyrjeve kirurgjikale.
25 vjeçari Neziri fillimisht u largua nga banesa, por pas rreth një ore arrati u vetëdorëzua në policinë e Durrësit, e cila ngriti një grup të posaçëm hetimor për të zbardhur motivet e ngjarjes së rëndë.
Sipas dëshmitarëve çifti me origjinë nga Dibra kanë qenë dy arsimtarë dhe prindër të 4 fëmijëve, tre prej tyre jetojnë vendit ndërsa 25-vjeçari, jetonte me ta.
Pak ditë më parë një ngjarje e rëndë u regjistrua në Dibër, ku 26 vjeçari Qemal Sela ekzekutoi me armë zjarri prindërit e tij pas një debati që dyshohet për motive pronësie por dhe gjendjen e rënduar psikologjike të autorit.
