Ngjarja e sotme ku një 25 vjeçar plagosi rëndë me thikë dy prindërit në Durrës, tronditi mbarë opinionin publik, ndërsa është zbuluar edhe shkaku i mosmarrëveshjeve mes tyre.
Sipas të dhënave, i riu Hajri Neziri së bashku me bashkëjetuesen e tij kanë debatuar rëndë me dy të moshuarit për motive pronësie në shtëpinë ku banonin.
Familja jetonte në një banesë private në periferi të Lagjes 17 në qytetin bregdetar, ndërsa autori ndihmuar nga e shoqja ka sulmuar me thikë Hasije dhe Destan Neziri, duke i lënë të plagosur rëndë.
Autori është vetëdorëzuar në polici pasditen e sotme, teksa raportohet se të plagosurit janë ende në gjendje kritike për jetën.
