Një aksident i rëndë ka ndodhur rreth orës 19:10 në kryeqytet. Ngjarja ka ndodhur në afërsi të QSUT-së dhe nga pamjet e mbërritura pranë JOQ.al, personi i shtrirë në tokë duket në gjendje të rëndë shëndetësore.
Sipas informacioneve paraprake, ai është përplasur nga një automjet, teksa ka qenë duke kaluar rrugën. Burri është i shtrirë në tokë dhe i larë në gjak.
Momentalisht, as ambulanca e as policia nuk ka shkuar në vendngjarje.
Personi që ka parë gjithë skenën, bën me dije se ka lajmëruar vetë ambulancën, por edhe pse ndodhej shumë afër QSUT-së, asnjë nuk e ka vënë ujin në zjarr.
Ai shton:
Nuk kam inate me drejtuesit e shëndetësisë, por jeta jonë është e rrezikuar në çdo moment, pasi mungon gjithçka në Ambulancat e Urgjencës. Është e pabesueshme, por e vërtetë. E lajmërova vet ambulancën. Është vonuar sepse në orën 19:00 ndërrohet turni dhe i nëvleftësojnë vizitat e telefonatat për ndihmë”.
Teksa e pyesim për gjendjen e të plagosurit, thotë se dukej rëndë, por burri kishte shenja jete e rënkonte herë pas here.
