Një këmbësore humbi jeten, pasi u përplas nga një automjet në supestraden Lezhë-Laç. Aksidenti ndodhi rreth mesnates në afërsi të kryqëzimit të Spitnit, ndërsa viktimë mbeti shtetësja me iniciale P.P 62-vjeçe banuese në Shkodër.
Viktima e cila po lëvizte në anë të rrugës u përplas nga një automjet tip “Benz” që drejtohej nga shtetasi L.GJ 54-vjeç banues në Pukë.
Goditja ka qenë e fortë, duke i shkaktuar vdekjen e menjëhershme 62-vjeçares, ndërsa policia shoqëroi në komisariat drejtuesin e mjetit për të sqaruar rrethanat e aksidentit.
Nga të dhënat parapake bëhet e ditur se shkak për aksidentin është bërë errësira në rrugë si dhe shpejtësia me të cilen po lëvizte automjeti.
Por ka qenë pakujdesia dhe mosvëmendja e drejtuesit të automjetit që nuk e ka parë gruan që po lëvizte në anë të rruges, duke sjellë edhe përplasjen fatale.
