Në një lidhje telefonike në emisionin “Dita e 8” e gazetarit Alfred Peza, kryebashkiaku i Himarës Jorgo Goro u shpreh mjaft optimist për turistët e huaj dhe fluksin.
“Mund t’ju them që ka filluar shume herët sezoni, që në muajin prill. Nga informacionet që kemi nga hotelet pritet që këtë vit të ketë një dyndje të madhe të turisteve, prandaj edhe ne kemi marrë të gjitha masat që këtë vit të ketë energji elektrike, pa ndërprerje.
Në lidhje me investimin dhe rikthimin në identitet të zonës së shetitores, më duhet të them se ne e pastruam të gjithë pjesën në drejtim të portit.
Madje edhe vetë banoret e kanë trefishuar xhiron, pasi ne kemi vazhduar me investimet.”
E pyetur nga gazetarja e ekonomisë Ola Xama, për kanalizimet e munguara në shëtitoren e Jalës, kryebashkiaku Goro tha: Jemi futur në projekt me qeverinë edhe për ujin e pishëm edhe për ujërat e zeza duke filluar nga Qeparoi deri në Jal. Keni të drejtë kur thoni se nuk mund të ketë turizëm pa kanalizime por do e arrijmë në një kohë mjaft të shkurtër.
A pretendoni që ky të jetë një nga sezonet më të mira?
Turistët e huaj janë në rritje, por pritet që këtë vit të ketë plus në rritje dhe zgjatje të sezonit deri nga shtatori apo nga fillimi tetorit.
AlpeNews.al
