Një aksident i rëndë ndodhi ditën e djeshme në Jorgucat, ku një automjet përplasi tre gra të cilat punonin në arë.
Si pasojë, dy prej tyre ndërruan jetë, për shkak të plagëve të shumta të marra në të gjitha pjesët e trupit, ndërsa njëra prej tyre arriti të mbijetonte.
Gjendja e saj ditën e sotme është e stabilizuar, por vijon të ngelet nën vëzhgimin e mjekëve në Gjirokastër.
Njëri prej mjekëve të spitalit të Gjirokastrës ka thënë për Jugu News, se ditën e djeshme në spital shkuan tre gra, mes të cilave, zonja e mbijetuar ishte në një gjendje jo të rëndë, me dëmtime në pjesë të trupit, kokës dhe parakrahut, por që nuk përbënin rrezik për jetën.
Vetë zonja e mbijetuar tregon se ishte duke ecur dhe nuk e di nëse automjeti që i mori përpara ishte me shpejtësi të madhe apo ç’ndodhi më tej.
Nga krevati i spitalit, ajo arrin të thotë:
Nuk di. Isha në rrugë dhe rashë në kanal, fluturova. Ecnim rrugës anës bordurës. Kaq. S’di gjë tjetër. S’mbaj mend fare”.
