Një 31-vjeçar i shpallur në kërkim për mashtrim është arrestuar nga Policia e Korçës. Në pranga ka rënë shtetasi Eredo Beluli, banues në Ersekë, i cili ishte dënuar në vitin 2013 me 4 vite burg, pasi kishte mashtruar një bashkëqytetar se do ta çonte në Angli, duke i marrë 13 mijë euro.
31-vjeçari Beluli është kthyer deportiv nga Italia, në Pikën e Kalimit Kufitar Rinas, prej ku ka rënë në prangat e policisë.
Njoftimi i policisë:
Më datë 08.06.2018, specialistët e Seksionit për Krimin Ekonomik-Financiar në Drejtorinë Vendore të Policisë Korçë, bënë ekzekutimin e vendimit për ndalimin e shtetasit në kërkim:
Eredo Beluli, 31 vjeç, banues në Ersekë. Shtetasi i mësipërm është kthyer deportiv nga Italia, në Pikën e Kalimit Kufitar Rinas, pasi Gjykata e Rrethit Gjyqësor Korçë me vendim të formës së prerë nr 201 datë 11.06.2013 e ka dënuar me 4 vjet burg për veprën penale “Mashtrimi” parashikuar nga neni 143/2 i Kodit Penal.
Në vitin 2013, Eredo Beluli, nëpërmjet mashtrimit, i ka marrë një shtetasi nga Erseka një shumë prej 13 mijë Euro duke i premtuar se do ta ndihmonte për të ikur në Angli.
