Më herët, qeveria e Austrisë në krye me Sebastian Kurz lajmëroi për vendimin për mbylljen e shtatë xhamive dhe deportimin e disa imamëve radikalë.
Mbyllja e xhamive u bë nën arsyetimin se nga këto xhami po bëhet propagandimi i një Islami radikal. Vendimi u mbështet në një ligj të vitit 2015, transmeton gazetametro.net
Ndërsa, zv.kancelari, Heinz-Christian Strache, deklaroi se ky ështtë vetëm fillimi.
Në lidhje me vendimin në fjalë të qeverisë austriake reagoi Turqia. Turqia e cilësoi këtë vendim si shkelje të të drejtave themelore, politikave të integrimit dhe të drejtave për minoritetet.
“Vendimi do të pasojë një valë islamofobie, racizmi dhe diskriminimi”, tha zëdhënësi i Recep Taip Erdogan, Ibrahim Kalin.
“Praktikat e ndjekura nga Qeveria austriake janë në shkelje të të drejtave themelore universale, politikave të integrimit dhe të drejtave për minoritetet”, postoi ai më vonë në Twitter.
