Prokuroria italiane ka kërkuar 14 vite e 6 muaj burgim për një taksist shqiptar, i akuzuar për përdhunim të dy vajzave nga Milano, 20 e 25 vjeç, në dy raste të ndryshme: 11 nëntor 2016 e 24 korrik 2016.
Ai u arrestua në Janar me akuzën e dhunës seksuale. Sipas prokurorisë në Milano, akuzohet se në të dyja rastet, ai i ka marrë vajzat në makinë orët e para të mëngjesit pranë një diskoteke. Dhe në vend që ti çonte në destinacionin e kërkuar nga klientet, parkoi mjetin në një rrugë të veçuar e abuzoi seksualisht me to.
Gjatë seancës gjyqësore, pala mbrojtëse kërkoi një provë ADN-je, kërkesë që u aprovua nga gjykata, raportojnë mediat italiane.
Edhe më herët, shqiptari, identiteti i të cilit nuk bëhet i ditur nga raportimet e medieve lokale, ka mohuar abuzimin seksual.
