Më 15 janar 1993 në Palermo u arrestua shefi historik i Cosa Nostras siciliane, krimineli më i kërkuar në botë deri atëherë, Salvatore Riina. Ky i fundit është cilësuar edhe si mafiozi më i madh që ka pasur historia e mafias. Arrestimi i tij erdhi si rezultat i një hetimi të karabinierisë, së Palermos dhe konkretisht i një skuadre speciale, në krye të të cilës ishte kapiteni Serxho De Kaprio, i mbiquajtur “Ultimo”.
Jeta e Riinës
Toto Riina lindi në Corleone të Sicilisë në një familje te varfër. Familja e tij merrej me bujqësi dhe kishte disa toka te pakta ku punonin, por tokat e tyre u helmuan kur ne arat e tyra ranë bomba te cilat mbartnin një lloj metali helmues, në të cilën mbeti I vrarë dhe babai I tij.
Në moshën 18 vjeçare ishte i përfshire në sherre dhe prapësi si vjedheje te bagëtive, sendeve. Ne vitin 1949 bashkohet me Luciano Liggio me te cilin u përfshi ne krime monstruoze dhe u be anëtar i mafias.
Salvatore Riina fillon të bëhet shumë i pushtetshëm pas rënies së bosit të “korleonezëve”, Luciano Lixho, i cili arrestohet në maj të vitit 1974. Më pas Riina arrin të lidhë aleanca me disa nga “familjet” më të pushtetshme të Cosa Nostras amerikane.
(Në foto Luciano Liggio)
Ngjitja
Hetuesit shpjegojnë shkallën e ngjitjes zyrtare të Toto Riina-s në majat e Cosa Nostras, e cila arrin kulimin në vitin 1981.
Të parët që do të japin sinjalet e luftës me “korleonezët”, janë don Gaetano Badalamenti, bosi historik i Cinisi-t, Tomazo Busheta, i “familjes” Porta Nuova dhe Stefano Bontade, “Princi” i Villagraziado të ishte i pari që përfundon në shënjestrën e armëve të zjarrit të vrasësve të Toto Riina-s është Stefano Bontade.”. Fytyra e bosit është shpërfytyruar nga një numër i madh plumbash.
“Është vetëm çështje kohe, mjafton të detyrohen disa familje palermitane të bashkohen me ne dhe ajo që mbetet do të jetë vetëm një lojë fëmijësh”.
Fjalë profetike këto të Toto Riina-s: do të kalonte të gjitha pengesat duke masakruar dhe eliminuar “armiqtë”.
(Vrasja e Giovanni Falcone)
Vrasjet e bujshme
Në projektet e Riina-s nuk parashikohej vetëm ekzekutimi mafioz, por objektivi i tij ishte të vriste në mënyrë të dukshme. “Nëse nuk janë me mua, janë armiq”, thoshte shefi i “korleonezëve.
Të njëjtin fat do të prisnin të gjithë bosët e tjerë “jo besnikë” si Filipo Markeze, shef i familjes “Corso dei Mille”, Pino Greko, Mario Prestifilipo dhe Pietro Mesikati Vitale.
Bosi i Cosa Nostrës, do të ishte urdhëruesi direkt edhe i vrasjes së njerëzve të institucioneve që do ta pengonin në rrugën e tij kriminale, si gjyqtari Gaetano Costa, prokurorët Roko Kinici, Xhovani Falkone, Paolo Borsellino, punonjësit e policisë dhe karabinierisë, gjenerali Karlo Alberto Dala Kieza, Emanuele Bazile, Nini
Kasara, Boris Giuliano, Xhuzepe Montana e shumë e shumë të tjerë.
Sidoqoftë deri në vdekjen e tij Rina nuk pranoi të thote asnjë fjalë.
(Djali i Totto Riinës)
Nga ky qëndrim stoik, ai nuk lëvizi edhe pas arrestimit të djalit të tij, Xhovani Riina, kur u mendua se do te “thyhej”. Riina qëndroi në burg derisa ndërroi jetë në moshën 87 vjeçare si pasojë e sëmundjes së kancerit.
Përgatiti: AlpeNews.al
