to janë medikamente të ndaluara prej mëse 20 vitesh në të gjithë BE-në, pasi akuzohen si shkaktare të mundshëm të kancerit. Megjithatë, në Shqipëri ende përdoren ilegalisht për kafshët, e që më pas, përmes konsumit të produkteve të tyre kalon tek njerëzit.
“Gjurmë Shqiptare” e gazetarit Marin Mema denoncoi këtë herë skandalin e përdorimit të medikamenteve të ndaluara te kafshët. Në investigimin tronditës gazetari sjell disa kamera të fshehta me shitës të ndryshëm që pranojnë këtë skandal.
“Furazolidon është preparat shumë i mirë, përdoret edhe për minjtë se është shumë i fortë. Kilogrami shkon 25 deri në 30 mijë”, tha njëri shitës.
Hyrja e këtyre medikamenteve bëhet përmes skemave të ndryshme që shmangin kontrollet. Edhe medikamenti Dimetridazole shitet lirisht edhe pse është i ndaluar.
“Lëre se nuk ta shkruajnë ashtu ata se ajo që hyn, hyn kontrabandë, më kupton? Neve ata që na e sjellin nuk na e sjellin me atë emër që ka”, tha një shitëse tjetër.
