Media italiane “Giornale di Monza” në edicionin online, ka zbuluar se gruaja shqiptare që u ekzekutua në Itali nga bashkëshorti maroken quhet Fjoralba Nonaj.
Gruaja 34 vjeçe u gjet në gjendje të rëndë në një “Chevrolet” të zezë në rrugën “Romagnosi”. Ajo u transportua në kushte të rënda shëndetësore në spitalin “San Gerardo” në Monza, ku vdiq pak pas mbërritjes. Raportohet se dy bashkëshortët, të cilët kanë një fëmijë 5-vjeçar, prej disa muajsh nuk jetonin më bashkë. Në momentin e krimit raportohet se në makinë ishte edhe djali i mitur, i cili nuk është lënduar fizikisht.
Sipas medieve italiane, autori, një 35-vjeçar maroken, pas krimit u paraqit te karabinierët e Seregno-s duke pohuar se sapo kishte therur gruan e tij.
Raportet se ai u largua në këmbë për në stacionin policor, ndërsa një dëshmitar lëshoi alarmin te autoritet. Krimi ndodhi rreth orës 16. Gruaja shqiptare është goditur disa herë me thikë, në brinjë dhe abdominale, si dhe në shpinë dhe qafë.
