Gazeta gjermane “Bild”, ka publikuar detaje lidhur me ngjarjen e rëndë ku humbi ketën një 30-vjeçare shqiptare. Ngjarjen e ka rrëfyer, vëllai i Eminës, Blerim A.
“Antoni erdhi këtu me një veturë Golf, madje as nuk frenoi para shtëpisë. Ai doli, teksa makina ecte nëpër rrugë”, thotë vëllai i Eminës, Blerimi, për gazetën gjermane Bild.
“Ai e kapi motrën. Pastaj nëna ime iu afrua atij dhe e rrëzoi në tokë. Motra ime Arlinda u përpoq ta kapte atë bashkë me nënën time”, tregon Blerimi.
Gjatë përleshjes, një e shtënë nga arma e Anton B. e goditi motrën e Eminës, Arlindën, në stomak. Vëllai i saj e rrëfen edhe më tej ngjarjen. “Pastaj motra ime Eminja ndërhyri dhe i tha: ‘Mjaft! Lëri ata!’ Pas kësaj erdhi një e shtënë tjetër me të cilën e goditi Eminën në kokë. Ajo vdiq menjëherë”, tregon vëllai i viktimës.
Ish-partneri u arratis me makinën e tij pas ngjarjes, por u arrestua pas një bastisje të madhe të martën nga një njësi speciale e policisë.
Ndërkohë, fëmijët e traumatizuar të Emine A. janë strehuar tek familja e prindërve të saj. “Ata nuk duan ta shohin më Antonin. Vajza e vogël është e frikësuar” tha sot Blerim A., vëllai i viktimës.
