Ngjarja e rëndë që u shënua pasditen e djeshme në Piaçenca të Italisë, ku një grua shqiptare mbeti e vdekur pas goditjes tre herë me thikë nga bashkëshorti, Xhevdet Mehmeti, ndodhi në sy të njërit prej djemve të çiftit.
I vogli, 17-vjecar, ishte në shtëpi në momentin e krimit, dhe dyshohet se ka qenë në dhomën e tij të gjumit, kur prindërit kanë nisur sherrin, i cili përfundoi në vrasjen e nenës së tij 52 vjeçare, Elsa Tereziu, pasi mori tre goditje me thikë në fyt.
Policia është ende duke hetuar, ndërsa pritet të zbardhet dëshmia e djalit, duke pyetur për elementë të rëndësishëm që do të bëjnë rindërtimin e ngjarjes, për momentin sesi nisi sherri dhe agravimin e situatës deri në vrasje.2-6Djali pritet të dëshmojë edhe për raportin konfliktual mes prindërve të tyre, pasi sipas mediave italiane thuhet se sherret kanë qenë shumë të rënda edhe më parë, aq sa shumë herë është dashur ndërhyrja e policisë. Gruaja ka përfunduar disa herë në spital por nuk e ka denoncuar asnjëherë të shoqin, duke i justifikuar plagët se është rrëzuar ose është vrarë aksidentalisht.
Një nga pistat që po hetohet si shkak për krimin brenda familjes, është xhelozia nga ana e 57 vjeçarit, por gjithçka mbetet për t’u sqaruar.
dav
