GAZETARI U GJAKOS NË PROTESTË/ Kolegët reagojnë: E papranueshme dhe duhet dënuar… (FOTO)

27 May, 2018 F.autor Aktualitet, Sociale

Shoqata e Gazetarëve Profesionistë të Shqipërisë ka reaguar pas dhunimit në protestë të gazetarit dhe kryeredaktorit të gazetës “Rilindja Demokratike”, Blendi Kasmi.

“Shoqata e Gazetarëve Profesionistë të Shqipërisë dënon me forcë dhunën e policisë̈ ndaj gazetarit të“Rilindja Demokratike“, Bledi Kasmi, gjatë protestës së opozitës, të shtunën e 26 Majit në Tiranë.

Shoqata e Gazetarëve Profesionistë të Shqipërisë i uron shërim të shpejtë kolegut Kasmi, e falënderon ekipin mjekësor të spitalit të traumës në kryeqytet, për kujdesin në mjekimin e gazetarit.

Ne vlerësojmë se dhuna ndaj një gazetari, që kishte me vete vetëm një celular, është e papranueshme dhe duhet dënuar.
Shoqata e Gazetarëve Profesionistë të Shqipërisë i bashkohet reagimit të organizatës “Reporterët pa kufij”, duke kërkuar nga Kryeministri Edi Rama, që të dënojë publikisht përdorimin e dhunës nga Policia” – thuhet në deklaratë.