Një aksident i rëndë ka ndodhur pasditen e sotme pranë vendit të njohur si kryqëzimi i Patokut në qytetin e Laçit.
Sipas burimeve për redaksinë tonë, ende të pakonfirmuara në rrugë zyrtare, në makinë udhëtonin 4 djem të moshave të reja.
Dëshmitarë nga vendngjarja bëjnë me dije se shkak për aksidentin ka qenë shpejtësia e madhe me ët cilën po udhëtonin të rinjtë dhe makina ka dalë nga rruga.
Sipas informacioneve paraprake, ende të pakonfirmuara, 3 prej udhëtarëve janë në gjendje të rëndë shëndetësore, ndërsa njëri prej tyre ka marrë plagë të lehta.
Për më shumë, burime nga vendngjarja bëjnë me dije se të plagosurit janë transportuar për në spitalin rajonal të Laçit me makina të rastit.
