Pak orë pas protestës së opozitës, ku nesër do të kërkohet dorëheqja e ministrit të Brendshëm, pas publikimit të audiopërgjimit ku thuhet se vëllai i tij flet me trafikantë, vjen reagimi nga Fatmir Xhafaj. Ky i fundit deklaroi se nëse rezulton se audiopërgjimi është i vërtetë, do të japë dorëheqjen.
“Bashkëqytetarëve të thirrur në protestë, u them sot : Nëse audio përgjimi i bërë publik nga PD, do të rezultojë i vërtetë, unë do të marr çdo përgjegjësi morale, politike e ligjore, përfshi dhe largimin nga funksioni i Ministrit të Brendshëm. Jam i gatshëm ta bëj këtë pa hezitim.”
Nëse provohet e kundërta, atëherë duhet që Lulëzim Basha të dorëhiqet dhe të përballet me ligjin. Pyeteni: A është ai i gatshëm për këtë sfidë?
E vërteta është vetëm një, dhe vetëm një në këtë rast. Ai që nuk është në anën e të vërtetës, duhet të përgjigjet. Këtë e kërkon interesi i ligjshëm i qytetarëve. #Drejtësiderinëfund.”
AlpeNews.al
