Liverpool do ta rritë ndjekjen e yllit të Lyon, Nabil Fekir, pasi do të nënshkruajë me të përpara Kupës së Botës, raporton “The Guardian”. 24-vjeçari luajti për Lyon në sezonin 2017-2018, duke shënuar 18 gola dhe duke fituar një thirrje në kombëtaren franceze për Kupën e Botës.
“Reds” do t’i konsolidojnë financat e tyre, duke afruar deri në finalen e Ligës së Kampionëve, ndaj mund të shpenzojnë për mesfushorin-sulmues. Çmimi që duhet paguar për Fekir është rreth 80 milionë euro. Trajneri Jürgen Klopp e shikon lojtarin në fjalë si zëvendësues ideal për Philippe Coutinho.
Klopp ka nënshkruar tashmë me Naby Keita nga Red Bull Leipzig, me mesfushorin e Guineas që kushton rreth 62 milionë euro, por është i prirur për t’i forcuar mundësitë e tij në mesfushë, në mënyrë që të sfidojë Manchester City për titullin e Premier League, sezonin e ardhshëm.
Ndërkombëtari francez është i vetëdijshëm për interesin e Liverpool dhe, kur u pyet për një transferim të mundshëm në “Anfield” nga RTL, u përgjigj: “Përse jo?”
