SHBA-ja kërcënoi sot Venezuelën me reprezalje pas njoftimit të largimit të dy përfaqësuesve të lartë diplomatikë amerikanë në Karakas nga presidenti venezuelian, Nicolas Maduro.
“Ne nuk kemi marrë njoftim nga ana e qeverisë venezueliane nëpërmjet kanaleve diplomatike”, deklaroi një përgjegjës i departamentit amerikan të Shtetit.
“Por nëse largimi konfirmohet, SHBA-ja mund të marrë masa reciproke”, shtoi ai.
Presidenti Nicolas Maduro kishte njoftuar më herët këto përjashtime si përgjigje ndaj vendosjes së sanksioneve të reja ekonomike nga Uashingtoni një ditë pas rizgjedhjes së tij në krye të Venezuelës.
