Orët e para të ditës së sotme mbeten me kthjellime dhe vranësira kalimtare, por duke iu afruar mesditës vranësirat shtohen duke sjellë shira të përkohshëm në pjesën më të madhe të vendit.
Në orët e pasdites pritet permiresim i motit edhe në zonat Lindore duke bërë që Shqipëria të kalojë në kushtet e kthjellimeve.
Temperaturat e ajrit rriten lehtë gjatë mëngjesit, por rënie të lehtë sjellin orët e mesditës duke bërë që maksumi në rang territori të mbetet 29 – 30°C.
Era do të fryjë e lehtë dhe mesatare, me shpejtësi 30 km/h nga drejtimi Veriperëndimor, duke krijuar në det dallgëzim mbi 2 ballë.
