Natyra e bukur e Shqipërisë tërheq gjithnjë e më shumë ‘tifozët’ e aventurës dhe të pasionuarit e aktiviteteve që japin adrenalinë si rafting, një sport për t’u dashuruar, që mund të praktikohet në kanionet e Osumit.
Krijuar tre milion vjet më parë, i ashtuquajturi ‘Grand Canyon i Kolorados Shqiptare’, në rajonin jugor të Skraparit, është krejtësisht i izoluar nga qytetërimi dhe e vetmja mënyrë për të arritur aty janë barkat, shkruan media prestigjioze spanjolle Economista.
Në një kurs prej 13 kilometrash dhe rrethuar me mure me lartësi 100 metra, praktikuesit e raftingut kalojnë nëpër ujëvara të shumta dhe në disa vepra natyrore të krijuara nga erozioni, të pagëzuar me emra si ‘syri’, ‘dera e djallit’ “Katedralja ose krokodili”
Në Itali ka shumë lumenj, ku është praktikuar rafting, por ky lumë në këtë vend të vogël të Ballkanit, i jep një bukuri ekstreme aventurës.
Ekzistojnë tre shkallë vështirësie që varen nga rrjedha që lumi mbart në atë kohë, shpjegohet më tej në artikull. Në verë, ujërat e këtij lumi thahen dhe praktikohet ecja përgjatë rrjedhës së saj.
E kaluara komuniste
Gjatë komunizmit (1945-1991) askush nuk i dinte këto ‘armë’ të turizmit shqiptar, as edhe kuptimi i fjalës rafting nuk njihej. Paranojaku Diktatori Enver Hoxha, i cili izoloi Shqipërinë nga pjesa tjetër e botës, ndërtoi në këtë zonë malore tunele sekrete për të akomoduar udhëheqësit komunistë të partive dhe oficerët e lartë ushtarakë, në rast të një pushtimi të mundshëm të huaj që nuk ndodhi kurrë.
Eksplorimi i kanioneve u bë i mundur në sajë të pasionit të Zamo Spathara, një emigranti shqiptar i cili u kthye nga Italia në vitin 1999, pas tetë vitesh që jetonte dhe punonte në vendin fqinj. Spathara kujton se gjatë komunizmit, kur ishte i vogël, lundroi në Osum në gomat e kamionit, sepse nuk ka pasur mjete të tjera lundruese.
Kanioni i Madh i Kolorados Shqiptare
Tani, Spathara është president i Federatës Shqiptare të Rafting dhe ka krijuar një kompani private, Albania Rafting Group, e cila ofron edhe sportet e tjera në natyrë si hiking, kayaking, ngjitje, si dhe udhëtime me mushka nga Malin Tomorr. “Shqipëria nuk mund të ofrojë turizmin luksoze me pesë yje, por duhet të zhvillojë turizmin e aventurës, për të shijuar natyrën e mrekullueshme,” thotë Spathara.
Numri i turistëve që praktikojnë rafting në Skrapar është në rritje, gjë e cila është duke stimuluar zhvillimin e një prej zonave më të largëta dhe më të varfra të Shqipërisë.
( Kanionet e Osumit )
Vitin e kaluar 10.000 turistë vizituan këtë rajon, në mesin e të cilëve ishin italianë, francezë, gjermanë dhe qytetarë të vendeve nordike. Turizmi natyror është markë e re e Shqipërisë turistike, e cila vitin e kaluar u vizitua nga pesë milionë turistë të huaj.
