PO vdiste fqinjët nga era e rëndë dhe pisllëku pasi kishte kthyer banesën në kazan gjigant plehrash, arrestohet shtetasi nga Elbasani..
Policia Elbasan në bashkëpunim me inspektoriatin e Bashkisë Elbasan kanë shoqëruar në komisariat një 60 vjeçar. Fqinjët e 60 vjeçarit pasi ishin ankuar në bashki dhe polici për gjendjen e rëndë të krijuar nga plehrat e mbledhura prej tij.
Sipas banorëve, fëmijët e tyre kanë filluar të shfaqin probleme me lëkurën dhe irritime të syve.
Fillimisht në vendin ku banonte personi në fjalë ka shkuar inspektoriati i Bashkisë Elbasan, por ka hasur në kundërshtimin e 60 vjeçarit. Rrjedhimisht në vendgjarje ka mbërritur policia e cila edhe ajo është hasur me rezistencën e koleksionistit të plehrave.
Është e çuditshme sasia e madhe e plerhave të gjetura në banesën e këtij të fundit, ku mendohet të jenë mbi 3 ton mbetje.
Sipas dëshmive të banorëve 60 vjeçari ishte koleksionist i plehrave dhe i mbante për “pasion”.
