Dëshmitari X, Albert Veliu i cili shfaqet në audiopërgjimin e PD sot ka bërë një intervistë rrëfyese ku thotë se filmimet nuk i ka bërë ai por i ka bërë vetë Agroni, pra vëllai i Fatmir Xhafajt.
Duke këmbëngulur në autenticitetin e videos, dëshmitari X thotë se zërat janë ato që dëgjohen “është dhe zëri i Ermalit dhe zëri i Altinit”. “Zëri i atij, thonë zëri im, zëri i Ermalit dhe zëri i Altinit… tani po ka ndonjë zë tjetër mund të jetë zëri i plakut tim në varreza, tani nuk e di mos është ngjall plaku im”.
Por si është në dijeni të zërave të Ermalit dhe Altinit kur këta janë dy personazhe zëri i të cilëve nuk është dëgjuar ende?! (Kujtojmë se deri tani, në audiopërgjimin e publikuar nga PD dëgjohen vetëm dëshmitari X dhe Agron Xhafaj).
Si e di dëshmitari X që ka përgjime me Ermalin e Altinin kur thotë se nuk ka asnjë filmim dhe nuk është ai autori i tyre?!!
Këtyre pyetjeve ndoshta do i japë përgjigje organi i hetimit pasi selia blu me këtë intervistë të realizuar na ngatërroi më shumë.
“Filmime të tjera unë s’kam bërë, filmimet i ka bërë vetë Agroni, me dashje pa dashje, i di Agroni, jo unë. Na akuzon Andoni në anë tjetër. Ato që kanë dalë janë reale, si zëri që ne kemi folur… Gjithmonë e ha një fukara, jo i pasur. Zëri i atij, thonë zëri im, zëri i Emralit dhe zëri i Altinit… Tani po ka ndonjë zë tjetër mund të jetë zëri i plakut tim në varreza, tani nuk e di mos është ngjall plaku im. Çoje ku të duash, ai zë është. Unë e pash që te djali, që te lokali, thashë ç’ne këto përgjime ne. Agronin e kanë përgjuar të tjerë. Nga ka ardh kjo e gjen Agroni, këto përgjime”, thotë në videon e mëposhtme dëshmitari X.
