Ish-Kryeprokurori Adriatik Llalla ka munguar ditën e sotme në Kolegjin e Posaçëm të Apelit, i cili do vlerësojë nëse ish kryetari i organit të akuzës do t’i nënshtrohet ose jo procesit të vettingut.
Ish-kryeprokurori Llalla është përfaqësuar nga avokati i tij Sokol Hazizaj.
Trupa gjykuese do të jetë e përbërë nga: Sokol Çomo, relator i çështjes, Luan Daci ndërsa anëtarë do të jenë Albana Shtylla, Ardian Hajdari dhe Ina Rama.
Kjo seancë vjen në kuadër të vendimit të marrë nga Komisioni i Pavarur i Kualifikimit ku për ish Kryeprokurorin Llalla u vendos ndërprerja e procesit të vetting-ut, pasi ai u largua nga sistemi i drejtësisë dhe më këtë argument KPK vendosi ndërprerjen e procesit të vetting-ut.
