Qeveria britanike do të organizojë një samit ku do të inkurajojnë gjashtë vende e Ballkanit Perëndimor t’i bashkohen BE-së për hir të “sigurisë, stabilitetit dhe prosperitetit” të tyre, muaj para se të nënshkruajë marrëveshjen e vet të largimit.
Në një shkrim të gjatë, “The Independent” thekson se në këtë samit do të diskutohen reformat për të hapur rrugën për zgjerimin e ardhshëm të BE.
“Samiti është pjesë e të ashtuquajturit Procesi i Berlinit – një seri takimesh që synojnë të mbështesin rajonin drejt anëtarësimit në bllok “.
Megjithatë kjo gjë ka sjellë dhe kritika në Londër. Kritikët thanë se qeveria e Britanisë së Madhe duhet të ketë “një ndjenjë humorit” për derisa sa organizon një konferencë mbi zgjerimin e BE-së përfitimet e pranimit, pasi Britania po kalon derën drejt daljes nga unioni.
I pyetur për samitin dhe qëndrimin e Mbretërisë së Bashkuar për anëtarësimin e Ballkanit Perëndimor në BE, një zëdhënës i Ministrisë së Jashtme i tha “The Independent”: “Ne mbetemi të mendimit se procesi i pranimit në BE është i rëndësishëm për sigurinë, stabilitetin dhe prosperitetin në Ballkanin Perëndimor . Por duhet që vendet kandidatet të plotësojnë kërkesat për anëtarësim”.
Tom Brake, zëdhënësi i Liberal Demokratëve nga ana tjetër ka thënë: “Dikush në Zyrën e Jashtme duhet të ketë një ndjenjë të humorit në organizimin e një konference për të promovuar anëtarësimin në BE për vendet e Ballkanit Perëndimor. Ndërsa ne po lëmë BE-ne, ne fillojmë tani e këshillojmë të tjerët për t’u bashkuar. Duket sikur është nje teatër”
Brake thotë se kjo tregon që sekretari i Jashtëm britanik, Boris Johnson është i paaftë. “Unë nuk do ta lejoj që ai të mbajë një samit, e jo në Ministrinë e Jashtme”.
