I ftuar në emisionin “Kjo Javë”, avokati Ardian Visha tha se ministri Fatmir Xhafaj nuk ka asnjë konflikt interesi lidhur me çështjen për të cilën akuzohet nga Partia Demokratike.
Visha theksoi se askush nuk mund të penalizohet për çështje që lidhen me familjarët e tyre, e sidomos kur personi në fjalë është korrekt me detyrën publike që mbart.
“S’jam partizan që të merremi me motrat dhe vëllezërit, për faktin se i bëri e njëjta mitër.
Nëse subjekti ka dhënë prova në shërbim të publikut, duhet të trajtohen të tillë.”
Mes të tjerash, Visha u shpreh se kjo histori me akuza ndaj Xhafajt iu duk si ajo e Don Kishotit.
“Politika tek ne shfaqet shpesh herë si kalorësi kundër krimit. Për mua ishte si historia e Don Kishotit.
Për mua s’ka asnjë shkelje.
Ai ligj është miratuar në kohën kur Xhafaj nuk ishte ministër.”
