Gjykata e Krimeve të Renda ka vendosur atë që përflitej prej disa kohësh: Arrestin për ish ministrin e Brendshëm Saimir TAHIRI.
Prokuroria e Krimeve të Rënda kërkoi për ish-ministrin masën e sigurisë personale “arrest me burg”, por që nuk është pranuar nga gjykata, duke vendosur të japë një masë më të zbutur.
Një grup prokurorësh, Dritan Prençi, Gent Osmani, Elisabeta Imeraj dhe Besim Hajdarmataj kanë mbërritur në shtëpinë e ish-ministrit të Brendshëm për t’i komunikuar masën e arrestit.
Njoftimi nga prokuroria:
Caktimin e masës së sigur imit personal “Arrest në shtëpi”, ndaj shtetasit nën hetim Saimir Bashkim Tahiri, i datëlindjes 30.10.1979, si person i dyshuar për kryerje të veprave penale “Trafikimi i narkotikëve”, në bashkëpunim, në formën e grupit të strukturuar kriminal, e parashikuar në nenet 283/a dhe 333/a, në lidhje me nenin 28 të Kodit Penal dhe, “Korrupsioni pasiv i funksionarëve të lartë shtetërorë ose i të zgjedhurve vendorë”, e parashikuar në nenin 260 të Kodit Penal. Urdhërohet shtetasi nën hetim Saimir Bashkim Tahiri të mos largohet nga banesa e tij, ndodhur në Tiranë, Rruga “Kodra e Diellit”, Pallati Nr.3.
