Media gjermane njofton për kapjen në Dyseldorf të njërit prej personave më të kërkuar aktualisht nga policia shqiptare. Baroni shqiptar i drogës iu paraqit ndërkohë gjykatës së faktit në Dyseldorf.
Kundër Arbër Çekajt ka filluar procedura e ekstradimit. Vlera e kokainës së kapur në shkurt konsiderohej një nga më të mëdhatë në konfiskimet e policisë, deri në 4 milionë euro. Kokaina ishte fshehur nën transportin e bananeve. A.Ç duket se është marrë me transportin dhe shitjen e drogës përmes firmës së tij Arbi Garden, u tha në Tiranë. Por ai arriti të largohej pak orë se të zhvillohej aksioni policor në Durrës. Kapja e tij në Dyseldorf u krye nga policia gjermane, shkruan AFP për Gjermaninë.
Shkak për arrestimin e Arbër Çekajt ishte, sipas të dhënave të Zyrës Federale të Kriminalistikës një procedurë e filluar ekstradimi në prokurorinë e Hamit kundër personit që ishte në ndjekje nga policia. Të premten baroni shqiptar i drogës iu paraqit gjykatës së faktit në Dyseldorf, që ka lëshuar urdhrin për paraburgim./dw
