Karim Benzema është i vetëdijshëm që nuk do të jetë pjesë e përfaqësueses për aq kohë sa Deschamps të jetë në krye të Francës.
“Të shpresoj për Botërorin? Futbolli të obligon të besosh gjithmonë, por nuk jam në kombëtare prej dy vitesh e gjysmë dhe nuk jam budalla që të gënjej veten”, shtoi Benzema në deklaratën e tij për “Canal Football club”.
“Kisha zhvilluar një sezon madhështor, por gjithsesi nuk u grumbullova për Kampionatin Europian të vitit 2016, dhe as mu dha më i vogli sqarim. Unë nuk kam pasur kurrë probleme me Deschamps, por e di që për sa kohë do të jetë ai trajneri i kombëtares, unë nuk do të grumbullohem asnjëherë”, deklaroi sulmuesi i Real Madrid, Karim Benzema, në lidhje me të ardhmen e tij në përfaqësuesen e Francës.
Benzema nuk e vesh më fanellën e kombëtares franceze që nga tetori i vitit 2015, kur shpërtheu skandali për çështjen e videove me drita të kuqe, në dëm të ish-shokut të tij të kombëtares, Mathieu Valbuena.
