Kryeministri Edi Rama po zhvillon një takim me biznesin e vogël, ku po diskuton për taksën e biznesit të vogël.
Pas një prezantimi nga Rama, përfaqësues të biznesit të vogël kanë kritikuar Ramën dhe kanë treguar disa shifra që sipas kryeministri janë të pavërteta. Por më tej përfaqësuesi i biznesit ë vogël ja ka thënë së sy Ramës se klima e biznesit është shumë e keqe në Shqipëri.
Pjesë nga diskutimet
Rama: Kësaj historie duhet ti japim fund një herë dhe përgjithmonë. Unë në bazë të takimeve kam nxjerr një konkluzion, biznesi i vogël nuk e kam tek TVSH, por tek tavani. Duke hapur këtë diskutim dhe duke shpresuar se jeni aq të sinqertë, unë dua të sigurojë se së bashku me ju do të arrijmë në një arsyetim logjik, që ju të merrni frymë lirisht. Duhet të shtypni atë kasën pa pikën e shqetësimit, dhe të mos keni frikë kur vijnë Tatimet.
Biznesi: Ne kemi protestuar kemi mbyllur dhe dyqanet se së bashku kemi luftuar në vitin 2013. Ju duhet që të keni kujdes me biznesin, se na thoni jo jeni të këtij apo të atij. Ju lutem largohuni nga biznesi. Në katër vite janë mbyllur 82 mijë biznese.
Rama: Ku i gjeni këto shifra?
Biznesi: Janë marrë nga QKR.
Rama: Është gabim.
Biznesi: Është e vërtetë, dhe në analizë është se janë mbyllur nga taksat. Ka pasur raste kur një biznes është kontrolluar 16 herë brena një dite. Duhet bërë një projekt, pasi jemi bezdisur nga kontrolle pa asnjë efektivitet. Ne po ta themi në sy duhen rregulluar gjërat, nuk mund të vazhdohet kështu. Klima për të bërë biznes duhet ndryshuar. Kemi gjoba të shpeshta të majme dhe të kota. Besueshmëria e organeve të administratës me biznesin nuk është aty ku duhet. Por të falënderoj për vetëpunësimin, këtë po ta them që është një arritje e madhe.
