Kryeministri Edi Rama në një intervistë për Deutsche Welle deklaroi se Shqipërinë e pret një tjetër sfidë për çeljen e negociatave për në BE.
Mes të tjerash ai dha mesazhin e qartë se tashmë detyrat e shtëpisë nga Shqipëria në këtë fazë janë bërë, ndaj pritet vetëm vendimi politik.
Po ashtu kreu i qeverisë tha se shpreson që Shqipëria mos të bëhet ‘kokë turku’ për të avancuar në axhenda që s’kanë të bëjnë me detyrat.
“Ne kemi marrë rekomandim të qartë e pa kushte që do të thotë se teknikisht kemi përmbushur detyrimet, tashmë është vendimmarrje e bazuar në gjykim politik e këtu ka gjithmonë luftë se ka interesa e këndvështrime të ndryshme. Unë uroj që Shqipëria të mos bëhet peng i asnjë dinamike të brendshme politike e të mos përdoret si kokë turku për të avancuar axhendat që nuk kanë të bëjnë me atë që ne kemi bërë për detyrat e shtëpisë”- tha ai.
Në përgjigje të pyetjes nëse pret ndihmë nga Berlini, Rama theksoi:
“Ka mjaft miq të Shqipërisë në këtë proces, besoj fort se kancelarja Merkel që është një kampione evropiane dhe e transformimit në rajon me procesin e Berlinit do të jetë në favor të çuarjes përpara të këtij procesi për ne dhe Meqedoninë në një moment thelbësor”- tha ai.
ERTV Live😊: Intervistë e Kryeministrit Edi Rama për Deutsche Welle
Gepostet von Edi Rama am Mittwoch, 25. April 2018
