Italia humbi mbrëmë 1-0 nga Suedia dhe komplikoi situatën për kualifikim në Botëror.
Të hënën në mbrëmje, ‘të kaltrit’ do të luajnë shanset e tyre në stadiumin e Milanos “San Siro”.
Në shkallët e stadiumit pritet një atmosferë e zjarrtë, teksa prej ditësh janë shitur të gjitha biletat.
Portieri dhe kapiteni i italianëve, Gigi Buffon premton se skuadra do t’ia dalë të kualifikohet, por ka edhe një apel për tifozërinë.
“Të hënën në mbrëmje do ta kthejmë në një festë të madhe. Pres që të lini në shtëpi bluzat e ekipeve të preferuar dhe të vini në stadium të gjithë me fanellën e kaltër, që e kemi në zemër”, tha Buffon.
