Pas lajmit se Krimet e Rënda kanë nisur hetimet për Mynyr Konin dhe Dhori Kulen për korrupsion dhe disa tendera të zhvilluara ndër vite, ka reaguar Dekani i Fakultetit Ekonomik. Kule tha se:
Hetimi i tanishëm është bërë me qëllimin për të larguar vëmendjen nga realiteti ku ndodhet Universiteti i Tiranës.
Dekani i Ekonomikut, Dhori Kule, ka folur lidhur me hetimet e nisura nga Krimet e rënda për akuzën e ‘shpërdorimit të detyrës” në Universitetin e Tiranës. Duke e quajtur këtë situatë:
Një formë për të sfumuar realitetin e tanishëm në Universitet, jam i hapur ndaj çdo hetimi.
Ndërsa, kreu i Universitetit te Tiranës, Mynyr Koni, përmes nje postimi ne profilin e në facebook, i bën kërkesë organeve kompetente të drejtësisë të ndërmarrin një hetim të plotë mbi të gjithë aktivitetin financiar të Universitetit të Tiranës në 10 vitet e fundit.
Situata e krijuar ne Universitetin e Tiranës ka krijuar ngerc institucional dhe financiar, ndërsa është me pak e ndjeshme tek studentet, pasi procesi mësimor nuk është cenuar.
