LIVE/ Basha takim me gazetarët: Në Gjermani kërkova një votë pro për Shqipërinë

“Në Gjermani kërkova një votë pro për Shqipërinë”, e ka nisur fjalën lideri i opozitës Lulzim Basha në takimin e sotëm me gazetarët.

Basha po zhvillon bashkëbisedim me gazetarët pas vizitës tre ditore në Berlin, ku lobuam në emër të opozitës, për hapjen e negociatave për Shqipërinë.

Në takimin pak minutësh me Mogehrinin, Basha u shpreh se e falënderoi në emër të partisë demokratike.

Basha u shpreh se nuk mjafton vetëm raporti pozitiv për hapjen e negociatave, por, edhe dakordësia e vendeve anëtare.

Sipas Bashës kjo nuk është një ditë për të festuar por për të punuar.  Basha bëri thirrje se duhet të vihen para drejtësisë.

Basha ndër të tjera tha:

“Kemi kërkuar që Gjermania të mos bëjnë gjyqtarin se nëse e bëjnë, situata është e pashpresë dhe negociatat nuk hapen.

Kemi hasur jo pak skepticizëm dhe pesimizëm sa i përket statusit real në raport me këto 5 apo 7 kushtet që ka Gjermania. Na thanë a je i bindur që janë arritur plotësimi i luftës kundër krimit, korurpsionit?

Se raportet e tyre tregojnë dicka tjetër, s’është cmontuar asnjë bandë, s’është kapur asnjë kryebandit, edhe kur njoftohen urdhërarreste ia mbathin, e njejta edhe rasti i Tahirit dhe oficerëve të lartë të policisë që janë në kërkim.

Edhe sa i përket luftës kundër korrupsionit, reformës në drejrtësi, hapat janë shumë të ngadaltë. Si kapja e kryeprokurorisë.

Raporti gjerman që na u vu përpara ishte 30% emërime politike gjatë viteve të fundit, rasti i Kukësit, dialogu në këtë komision, s’ishte aspak i lehtë dhe detyra jonë s’është të bëjmë hipokritin.

Kërkojmë hapjen e negociatave se sa më shumë të avancojë procesi i integrimit aq më shumë presion do ketë mbi qeverinë.

Problemi i dytë frika se qeveria do e përdore hapjen e negociatave si makiazh për problemet në vend që kanë nevojë për zgjidhje. Për fat të keq në fjalët dhe mesazhet që ka dhënë Rama s’ka bërë asgjë për ta ulur këtë frikë”, tha Basha.

/AlpeNews.al