Ish kreu i Gjykatës së Kasacionit, sot Gjykata e Lartë Zef Brozi që nga SHBA ka përshëndetur dhënien e rekomandimit nga ana e Komisionit Evropian për hapjen e negociatave të Shqipërisë me BE.
Brozi nënvizon se tashmë Vettingu duhet përshpejtuar dhe duhet të përfshijë edhe politikanët dhe pushtetarët, ku ndeshkimi i te korruptuarve te rangut te larte eshte imediat.
“Pershendes rekomandimin e Komisionit Europian per hapjen e negociatave me Shqiperine.
Ndonese ky eshte nje hap i rendesishem drejt anetaresimit te vendit tone ne Bashkimin Europian, dihet se rruga drejt BE eshte e gjate dhe kerkon kontributin dhe perkushtimin e te gjitha institucioneve shteterore, partive politike, shoqerise civile dhe cdo qytetari te Shqiperise.
Ne menyre te vecante duhet pershpejtuar procesi i vetingut dhe reformes ne drejtesi sepse eshte teper e vonuar dhe hapat e deritanishem jane shume te ngadalshem.
Ndersa ndeshkimi i korrupsionit e krimit te rangjeve te larta te politikes e qeverisjes akoma nuk ka filluar.
Perveç vetingut ne drejtesi e polici, ka nevoje per veting real te politikaneve e pushtetareve.
Me vullnet te mire dhe shume pune nga te gjithe shqiptaret e institucionet, Shqiperia jone e dashur mund dhe duhet te realizoje endrren e saj Europiane e Perendimore pa e vetevonuar edhe me tej veten”, shprehet Brozi.(TemA)
