Kryeministri grek ka udhëtuar sot drejt Rodosit, por gjatë udhëtimit të tij ai është shqetësuar nga dy avionë luftarakë turq.
Sipas informacioneve, gjatë fluturimit nga Athina për në ishullin e Rodosit, dy avionët luftarakë turq që fluturonin në 10 kilometra larg, kërkuan të dhënat e fluturimit nga pilot i helikopterit grek.
Piloti njoftoi Kryeministrin Tsipras dhe menjëherë nxitoi drejt destinacionit.
Ndërkohë avionët turq ishin futur duke shkelur në hapësirën territoriale greke. Por ku u pikasën, larguan më pas drejt lindjes në brendësi të hapësirës së Turqisë.
Shfaqja dhe largimi i avionëve lufarakë turq u ndoq edhe nga vetë Kryeministri grek me shikim të lirë.
Ky konsiderohet të jetë një nga provokimet më të mëdha e më të rrezikshme që trupat ushtarake turke kanë ndërmarrë ndonjëherë ndaj fqinjëve të tyre grekë, me të cilët janë historikisht, pothuajse në një gjendje permanente tensionesh dhe konfliktesh mes tyre.
Ende nuk ka deklarata zyrtare për incidentin e rëndë.
