Një automjet është përfshirë nga flakët pasditen e sotme në qendër të Elbasanit, duke shkaktuar panik tek kalimtarët. (Foto ilustruese)
Mësohet se në makinë tip “Range Rover” me targë AA 102 TR, e cila ndodhej e parkuar në bulevardin “Aqif Pasha”, u përfshi nga flakët për shkaqe që ende nuk dihen.
Menjëherë në vendngjarje kanë mbërritur forcat e policisë, dhe kanë rrethuar zonën.
Ndërkaq, grupi hetimor po punon për zbardhjen e plotë të rrethanave të ngjarjes, dhe shkaqeve të zjarrit.
