Mjafton një klikim në emrin e gjyqtarit Shkëlqim Miri edhe emir i tij renditet tek “lista e zezë” për personat që nuk kanë deklaruar pasurinë. Të ardhurat e tij dyshohen të jenë bërë në bazë të pagesës që merr ai apo bashkëshortja e tij.
Mbi Shkëlqim Mirin rëndon momentalisht akuza për “Korrupsion”. Sakaq vijon hetimi për gjyqtarin. Po kështu për këtë gjyqtar ka patur ankesa nga qytetarët tek “lista e zezë” e kryeministrit Edi Rama.
Gjyqtari Shkëlqim Mirit, të cilit policia i gjeti 300 milionë lekë ishte emëruar që prej vitit 2010 në Gjykatën e Apelit të Tiranës.
Ky ka qenë anëtar i KLD-së deri në vitin 2012-të dhe më herët gjyqtar i Apelit në Durrës (para 2010). Ndër çështjet e bujshme që ka gjykuar Miri, është edhe ajo e Gërdecit, ku ai ka qenë pjesë e një prej proceseve gjyqësore, raporton AlpeNews.al
Mësohet se Prokuroria e Përgjithshme ka nisur një hetim prej gati një viti ndaj Mirit, ndërsa gjatë kontrollit atij i janë gjetur në banesë një shumë prej 20 mijë eurosh, që dyshohet të jenë marrë në këmbim për të ndryshuar kualifikimin e një vrasjeje të ndodhur në Burrel, në vitin 1997.
Dyshohet se gjyqtari ka ndryshuar akuzën nga vrasje, në plagosje të rëndë me dashje. Shtetasi i akuzuar quhet Gentian Doda, i ekstraduar kohë më parë nga Los Anxhelos, në SHBA. Shtetasi Gentian Doda njihet si “kundërshtar” i familjes ‘Dedja’.
Pasuritë e fshehura / Lista e hipotekës me emrat e 775 gjyqtarëve dhe prokurorëve për verifikim, ndër to bën pjesë edhe gjyqtari i ndaluar
Përgatiti: AlpeNews.al
